2018 թվականին «ՄԼ Ֆեշն»-ը մեկնարկեց իր գործունեությունը Հայաստանում՝ Yerevan Mall-ում բացելով Zarina ապրանքանիշի առաջին խանութը։ Այդ օրվանից ընկերությունը հետևողականորեն զարգացել է՝ ձևավորելով Zarina-ի 12 խանութից բաղկացած ցանց Երևանում և Հայաստանի տարբեր մարզերում։

2025 թվականին ընկերությունը համալրեց իր միջազգային գործընկերների շարքը՝ հայկական շուկայում ներկայացնելով իսպանական Punt Roma ապրանքանիշը։ 2026 թվականին` շարունակելով իր զարգացումը, ընկերությունը ներկայացրեց նաև Zarina Man ապրանքանիշը և բացեց նոր խանութ «Ռիո Մոլ» առևտրի կենտրոնում։

Այսօր «ՄԼ Ֆեշն»-ը շարունակում է ընդլայնել իր ներկայությունը՝ միավորելով միջազգային փորձը, ժամանակակից մոտեցումներն ու հաճախորդակենտրոն սպասարկումը, ունենալով`

• 8+ տարվա գործունեություն
• 14+ խանութ
• 130+ աշխատակից
  
  

«ՄԼ Ֆեշն»-ի առաքելությունը

«ՄԼ Ֆեշն» ՍՊԸ-ի առաքելությունն է հայկական և Հարավային Կովկասի շուկաներին հասանելի դարձնել միջազգային ճանաչում ունեցող նորաձևության ապրանքանիշերը՝ ձևավորելով ժամանակակից, բարձրորակ և վստահելի մանրածախ միջավայր։

Հուսալի լոգիստիկա՝ անխափան մատակարարումների հիմքում

Մատակարարման գլոբալ շղթաների խաթարումների դարաշրջանում «ՄԼ Ֆեշն»-ը ձևավորել է չափազանց հուսալի և ճկուն լոգիստիկ համակարգ։

Սևծովյան տարանցիկ միջանցք.

Ծովային փոխադրումների լոգիստիկ խցանումները շրջանցելու նպատակով ասիական արտադրական կենտրոններից ապրանքները մուտք են գործում Վրաստանի Փոթի և Բաթումի նավահանգիստներ, անցնում մաքսային ձևակերպումները և շուրջ 700 կիլոմետր երկարությամբ ցամաքային միջանցքով անմիջապես տեղափոխվում Երևան։

Ուղիղ եվրոպական ցամաքային ուղի.

Եվրոպական մատակարարումների համար մենք օգտվում ենք Բալկանյան ավտոմայրուղիներով իրականացվող արագ ցամաքային փոխադրումներից՝ ապահովելով Կենտրոնական Եվրոպայի լոգիստիկ կենտրոններից 10-14 օրվա ընթացքում արագ առաքում։

Տարածաշրջանային ինտեգրում.

Մեր տարանցիկ գործառնություններն արդյունավետորեն օգտագործում են Վրաստանի և Հայաստանի միջև գործող մաքսային անցակետերի հնարավորությունները՝ նվազեցնելով անդրսահմանային գործառնությունների/գործարքների ծախսերն ու տարանցման ժամկետները:

ԲՍԿԿ և կայունության ճանապարհային քարտեզ

«ՄԼ Ֆեշն» ՍՊԸ-ն իր գործունեությունն իրականացնում է բնապահպանական, սոցիալական և կորպորատիվ կառավարման (ESG) սկզբունքների նկատմամբ բարձր պատասխանատվությամբ և հանձնառությամբ։

Կարգավորման պահանջներին համապատասխանություն․

Մեր մատակարարման շղթան կառուցված է այնպես, որ ապահովի լիարժեք համապատասխանություն Գերմանիայի «Մատակարարման շղթայի պատշաճ ուսումնասիրության մասին» օրենքի (LkSG) պահանջներին: Միաժամանակ մենք ակտիվորեն նախապատրաստվում ենք 2027 թվականին ԵՄ Թվային արտադրանքի անձնագրի ուժի մեջ մտնելուն:

Որպես տեղաբաշխող՝ «Կուբ Ինվեսթ»-ը ներդրողներին ապահովում է մասնագիտական աջակցություն պարտատոմսերի ձեռքբերման ողջ գործընթացում՝ առաջարկելով թափանցիկ, հուսալի և կայուն ներդրումային ծառայություններ։ 

Պարտատոմսերի պայմաններին և մանրամասներին կարող եք ծանոթանալ այստեղ:

Պարտատոմսեր ձեռք բերելու համար անցե՛ք այստեղ: