Ուրախությամբ տեղեկացնում ենք, որ «Կուբ Ինվեսթ» ՓԲԸ-ի կողմից տեղաբաշխված երեք գործընկեր կազմակերպությունների` «Դալան Տեխնոպարկ»-ի, «Ֆրի Սթայլ»-ի և «Ագրոտեխ»-ի պարտատոմսերը հաջողությամբ ցուցակվել են Հայաստանի ֆոնդային բորսա (AMX)-ում:

Այս նշանակալի քայլը ոչ միայն բարձրացնում է կազմակերպությունների թափանցիկությունն ու վստահելիությունը, այլև ապահովում է նրանց պարտատոմսերի ազատ շրջանառությունը երկրորդային շուկայում՝ ներդրողներին առաջարկելով նոր հնարավորություններ։

«Կուբ Ինվեսթ»-ը հետևողականորեն իրականացնում է իր գործընկերների ֆինանսական զարգացման ուղին՝ ապահովելով նրանց համար ոչ միայն հաջող տեղաբաշխում, այլև տրամաբանական հաջորդ փուլը` բորսայական ցուցակումը։

Դալան Տեխնոպարկը Հայաստանի առաջին տեխնոլոգիական և բիզնես կենտրոնն է։ Նախագիծն առանձնանում է իր մասշտաբով և առաջատար ինժեներական լուծումներով: Դալան Տեխնոպարկի կառուցման նպատակն է՝ համախմբել Հայաստանի տեխնոլոգիական ոլորտի մասնագետներին մեկ հարկի տակ՝ առաջարկելով աշխատանքային լավագույն պայմաններ:

• Ունենալու է 34.300 քմ A դասի գրասենյակային տարածք
• Ապահովելու է 3000 աշխատատեղ
• Միավորելու է անհրաժեշտ ենթակառուցվածքները մեկ վայրում

Ցուցակման հիմնական տվյալներ

• Ցուցակ՝ Bbond
• Ընդհանուր ծավալ՝ 2,500,000,000 ՀՀ դրամ
• Պարտատոմսերի քանակ՝ 25,000 հատ
• Անվանական արժեք՝ 100,000 ՀՀ դրամ
• Արժեկտրոնային եկամտաբերություն՝ 13.50%
• Շրջանառության ժամկետ՝ 36 ամիս
• Հասցեական առևտուր և ռեպո գործարքներ

Ֆրի Սթայլը հիմնադրվել է 2019 թվականին և կարճ ժամանակում դարձել է Հայաստանում գործող առաջատար մանրածախ ընկերություններից մեկը։ Բրենդային խանութների տպավորիչ պորտֆելը ներառում է աշխարհին հայտնի անուններ՝ Levi’s, Puma, New Balance, Boggi Milano, Lee Wrangler, Jack & Jones, Cole Haan, Bestseller Group և այլն:

Ցուցակման հիմնական տվյալներ

• Ցուցակ՝ Bbond
• Ընդհանուր ծավալ՝ 1,500,000,000 ՀՀ դրամ
• Պարտատոմսերի քանակ՝ 15,000 հատ
• Անվանական արժեք՝ 100,000 ՀՀ դրամ
• Արժեկտրոնային եկամտաբերություն՝ 13%
• Շրջանառության ժամկետ՝ 36 ամիս
• Հասցեական առևտուր և ռեպո գործարքներ

«Ագրոտեխ» ՍՊԸ-ն գործում է ագրոարդյունաբերական ոլորտում՝ ապահովելով ջերմատներ, ֆերմերային տնտեսություններ և բուսաբուծությամբ զբաղվող տնտեսավարողներ բարձրորակ արտադրանքով, լուծումներով և մասնագիտական խորհրդատվությամբ։

Ցուցակման հիմնական տվյալներ

• Ցուցակ՝ Bbond
• Ընդհանուր ծավալ՝ 600,000,000 ՀՀ դրամ
• Պարտատոմսերի քանակ՝ 6,000 հատ
• Անվանական արժեք՝ 100,000 ՀՀ դրամ
• Արժեկտրոնային եկամտաբերություն՝ 13%
• Շրջանառության ժամկետ՝ 36 ամիս
• Հասցեական առևտուր և ռեպո գործարքներ

«Կուբ Ինվեսթ»-ը շարունակելու է նպաստել բիզնեսի և ներդրողների միջև արդյունավետ համագործակցության ձևավորմանը՝ աջակցելով կայուն և երկարաժամկետ զարգացման գործընթացներին։