«Կուբ Ինվեսթ»-ը AMX-ի կողմից արժանացել է «Excellence in Partnership» մրցանակին
«Կուբ Ինվեսթ» ներդրումային ընկերությունը Հայաստանի ֆոնդային բորսայի (AMX) կողմից արժանացել է «Excellence in Partnership» մրցանակին՝ ի գնահատանք արդյունավետ համագործակցության, կապիտալի շուկայի զարգացմանն ուղղված համատեղ նախաձեռնությունների և ֆինանսական ոլորտի առաջխաղացման գործում ունեցած ներդրման։
Մրցանակը հանձնվել է մայիսի 29-ին կայացած AMX-ի 25-ամյակին նվիրված հոբելյանական միջոցառման ընթացքում, որը համախմբել էր կապիտալի շուկայի, ֆինանսական ոլորտի և միջազգային գործընկեր կառույցների ներկայացուցիչներին։
Հատկանշական է, որ սա առաջին դեպքը չէ, երբ «Կուբ Ինվեսթ»-ի գործունեությունը գնահատվում է Հայաստանի ֆոնդային բորսայի կողմից։ 2024 թվականին ընկերությունը դարձել էր «Բորսայի լավագույն համագործակցող անդամ» անվանակարգի հաղթող՝ կապիտալի շուկայի զարգացմանն ուղղված ակտիվ գործունեության համար։
2022 թվականից «Կուբ Ինվեսթ»-ը հանդիսանում է Հայաստանի ֆոնդային բորսայի անդամ և շարունակաբար մասնակցում է շուկայի զարգացմանն ուղղված նախաձեռնություններին՝ նպաստելով ներդրումային ծառայությունների հասանելիության ընդլայնմանը և ներդրումային մշակույթի զարգացմանը Հայաստանում։
«Excellence in Partnership» մրցանակը ևս մեկ անգամ ընդգծում է «Կուբ Ինվեսթ»-ի և AMX-ի միջև ձևավորված ամուր համագործակցությունը և հաստատում ընկերության հանձնառությունը՝ շարունակելու իր ներդրումը Հայաստանի կապիտալի շուկայի առաջընթացի և ներդրումային միջավայրի զարգացման գործում։
Այլ հոդվածներ
Անդամակցություն AFME-ին
Հպարտ ենք տեղեկացնել, որ այս տարի Cube Invest-ը անդամակցել է Association for Financial Markets in Europe (AFME) կազմակերպությանը։ AFME-ն հանդիսանում է Եվրոպայի մեծածախ ֆինանսական շուկաների հիմնական ձայնը։ Այն տրամադրում է փորձագիտական լուծումներ կապիտալի շուկաների և կարգավորման լայն շրջանակի հարցերում՝ աջակցելով կայուն, մրցունակ և արդյունավետ շուկաների ձևավորմանը։
30.12.24
Էմոցիաներ` փաթեթավորված ամանորյա նվերների տեսքով
Ամանորյա կորպորատիվ նվեր, որը փաթեթավորում է էմոցիաները, արժեքներն ու հիշողությունները՝ վերածելով դրանք ջերմ ու երկարատև պատմության։
13.01.26